Pjesa e parë e makinës, e cila dominohet nga grila e radiatorit e rrethuar nga katër dritat kryesore, është sinonim për argëtim dhe kënaqësi në udhëtim, ndërkohë që pjesa e pasme e makinës pesëdyershe flet qartë për prakticitetin e këtij modeli.

Dimensionet kompakte të Škoda Yeti-it ofrojnë një shkallë të lartë kontrolli dhe manovrueshmërie në qytet. Pamja e kësaj SUV të qëndrueshme, e cila theksohet më tepër nga mbrojtëset e gjëra të baltës si edhe shiritat mbrojtës të poshtëm në ngjyrë argjendi premtojnë një përvojë unike në terrene të vështira.

Së bashku me traversat e lyera, hapsira e xhamit të dritareve janë një element mbreslënës në dizajnin e kësaj makine. Tavani i xhamit me dy pjesë dhe me kontroll elektrik së bashku me shinat e tavanit simbolizojnë hapsirën dhe funksionalitetin tek Yeti. 

Škoda Yeti e re i ofron pasagjerëve një hapsirë të jashtëzakonshme, larmirshmëri dhe komoditet.

Pozicionimi i lartë i sediljeve të jep një ndjesi sigurie, një pamje të shkëlqyer dhe akses të lehtë në makinë. Materialet komode, sediljet me mbrojtëse anësore dhe regjistrimi i mbështetëses së sediljes largojnë lodhjen edhe në udhëtime të gjata. Sistemi VarioFlex me tri sedilje të pasme të ndashme garanton një funksionalitet maksimal në brendësi dhe në bagazh.

Kroskoti i ri është dizenjuar për të theksuar freskinë në dizajnin e bredshëm. Një hapsirë e bollshme për të ruajtur sende si dhe përdorimi i materialeve cilësore karakterizojnë dizajnin në brendësi. Ju mund të përzgjidhni ndërmjet 16 kombinimeve të kroskotit, tapicerisë dhe elementëve dekorativ.